Sunday, 8 January 2017

Bahut Kathin Tha Nibhaana, Nibaah Main Ne Kiya





Bahut Kathin Tha Nibhaana, Nibaah Main Ne Kiya

Bahut kaThin tha nibhaana, nibaah main ne kiya
Khud apne aap ko yaani tabaah main ne kiya
Mila tha jab K mujhe tu sufaid-umri mein
Tujhe bhi pyaar magar be-panaah main ne kiya
MaiN tere jism ke ander tha baat karte hue
Tujhe pata bhi nahi jo gunaah main ne kiya
Jo kamsukhan the miyaN wo bhi daad dene lage
Kisi ke she’r pe jab waah waah main ne kiya
Tu mere jurm ki tamheed E be-gunaahi dekh
Koi wakeel na koi gawaah main ne kiya
Tumhare ishq pe woh naaz hai mujhe jaanaaN
K is Ghuroor mein sar kaj-kulaah main ne kiya
(Mehshar Afridi)

No comments:

Post a Comment